Fossil fuel
Fossil fuel, uu iidhan (fuel) ke bola jaae hae jon pahile ke jinda chij se aais hae. Tiin sab se jaada kaam me laae waala iidhan hae koila (coal), petroleum aur natural gas.[1] Petroleum aur natural gas, hydrocarbon hae, jiske matlab hae ki isme khaali hydrogen aur carbon hae. Coal jaada kar ke carbon hae. Iske fossil fue bola jaae hae, kaaheki iske jamiin ke niche se nikaala jaae hae. Coal mining se sold iidhan ke khoda jaae hae aur oil well se gas aur petroleum nikaala jaae hae. Industrial revolution ke baad koila ke jaadaa kaam me laae jaae lagaa rahaa.
Fossil fuel ke sidhe jaraawa jae sake hae, jisse garmii se ghar ke garam rakkhaa jaae sake hae, nai to khaana banaawa jaae hae. Isse steam engine (jaise ki train aur jahaaj) aur internal combustion engine (jaise ki motar, bus, truck) bhi chalaawa jaae hae aur steam turbine generator chalae ke electricity banaawa jaae hae.[2] Kuchh fossil fuel ke aur refine kae ke kerosene, gasoline aur diesel banaawa jaae hae.
2022 me dunia ke puura energy consumption me se 80% fossil fuel se aais rahaa aur 60% electricity ke fossil fuel se banaawa gais rahaa.[3] Dunia ke 70% greenhouse gas emission ke kaaran hae fossil fuel ke jaraae ke carbon dioxide ke banaana.
References[badlo | source ke badlo]
- ↑ "Fossil fuel". ScienceDaily. Retrieved 23 June 2024.
- ↑ "Fossil fuels". Geological Survey Ireland. Retrieved 23 June 2024.
- ↑ Ritchie, Hannah; Roser, Max (2020-11-28). "Energy". Our World in Data. https://ourworldindata.org/fossil-fuels.